重返日本 |北海道溫泉區|絕景＋精緻自助餐
【必看●北海道●溫泉區】絕景＋精緻自助餐！！
去北海道當然要浸溫泉，舒緩一下～不過如果再加埋美食，就更加Perfect啦！今次【一餐急救】就嚟到坐落於日本北海道洞爺湖旁既「乃之風度假酒店」，唔只可以見到「北海道三大景觀之一」洞爺湖既絕景，仲可以食到充滿北海道風味既精緻自助餐添！！
喺「乃之風度假酒店」食自助餐，當中最不能錯過既一定係入口即溶既道產和牛，任食唔嬲！仲有勁多懷石級精緻料理，同各款特色壽司及刺身，任君選擇～甜品方面，當然唔少得北海道牛奶蛋糕，仲唔洗排隊添！一次過食晒北海道美食，正呀！